دوای پەسەندكردنی لەلایەن ئەنجومەنی وەزیرانەوە ، پڕۆژە یاسای بودجەی ٢٠٢٠ ی عێراق دەگاتە ئەنجومەنی نوێنەران و بڕیارە شەممەی داهاتوو خوێندنەوەی یەكەمی بۆ بكرێت .
“جەمال كۆچەر” ئەندامی لیژنەی دارایی لە ئەنجومەنی نوێنەرانی عێراق ڕایگەیاند ، حكومەتی عێراق ١٥ ترلیۆن دیناری لە قەرزی ناوخۆیی وەرگرتووە ، بەڵام نەیتوانیوە ٥ ملیار دۆلاری ئەمریكی قەرزی دەرەكی وەربگرێت. باسی لەوەش كردووە ، پڕۆژە یاسای بودجەی گشتی ٢٠٢٠ دوای گەیشتنی بە ئەنجومەنی نوێنەران، بە ٣ قۆناغ تێدەپەڕێت. خوێندنەوەی یەكەم و خوێندنەوەك دووەم و پاشان دەنگدان لەسەری، بە پێی یاساش تەواوكردنی ئەو ٣ قۆناغە لانی كەم لە ٢ هەفتەدا دەكرێت. سەبارەت بە پڕۆژە یاسای بودجەی ٢٠٢١ یش، لیژنەی دارایی لە ئەنجومەنی نوێنەرانی عێراق ڕایگەیاندووە، ئەگەر نرخی نەوت بەهۆی ڤایرۆسی كۆرۆناوە بە نزمی بمێنێتەوە، پڕۆژە یاسای ساڵی داهاتوو قورس دەبێت.
