یەكێتیی مامۆستایانی كوردستان كۆبونەوەی ئاسایی خۆی ئەنجامدا و تێبنی لەبارەی پرۆسەی خوێندن و دواكەوتنی موچەش رادەگەیەنێت.
لەوبارەیەوە ئەحمەد گەرمیانی جێگری سەرۆكی یەكێتیی مامۆستایانی كوردستان رایگەیاند، سێ مانگ جارێك كۆبونەوەی مەكتەبی تەنفیزی یەكێتیی مامۆستایانی كوردستان بەڕێوەدەچێت و كۆبونەوەی ئەمجارەیان بەر لە پرۆسەی خوێندنی ساڵی 2020-2021 بوە.
وتیشی “وەك یەكێتیی مامۆستایان چەند پێشنیارێكمان هەیە بۆ پرۆسەی خوێندنی ئەمساڵ بەتایبەتی تێبینیمان لەسەر پرۆسەی ئەلیكترۆنی و ئۆنلاین هەیە”.
جێگری سەرۆكی یەكێتیی مامۆستایان رونییكردەوە، لەو كۆبونەوەیەدا بە ئامادەبونی بەرپرسانی لقەكانی یەكێتییەكە قسە لەسەر رەوشی مامۆستایان و دواكەوتنی موچە و ئەركەكانی مامۆستایان دەكەن و لە كۆتاییدا بە چەند پێشنیارێك دەردەچن، كە ئاراستەی حكومەتی هەرێمی كوردستانی دەكەن.
