په‌رله‌مانتارێك: تائێستا رێككه‌وتن له‌سه‌ر پشكى بودجه‌ى هه‌رێم نه‌كراوه‌

شیروان میرزا ئه‌ندامى په‌رله‌مانى عیراق له‌سه‌ر پشكى یه‌كێتیى نیشتمانیى كوردستان ده‌ڵێت “تائێستا له‌ پرۆژه‌یاساى بودجه‌ى ساڵى 2021 ى عیراقدا رێككه‌وتن له‌سه‌ر پشكى هه‌رێمى كوردستان نه‌كراوه‌”.
شیروان میرزا له‌لێدوانێكى رۆژنامه‌وانیدا باسى له‌وه‌كردوه‌، پشكى هه‌رێم له‌ بودجه‌ى 2020 زۆرباش بو و چاوه‌ڕێى ده‌نگدانه‌ له‌سه‌رى، به‌ڵام بودجه‌ى ساڵى داهاتو پێویستى به‌ چاره‌سه‌رى بنه‌ڕه‌تى كێشه‌كانى نێوان هه‌رێم و ناوه‌ند هه‌یه‌ تایبه‌ت به‌ راده‌ستكردنى نه‌وت و ئیداره‌دانى ده‌روازه‌ سنورییه‌كان پێش ئه‌وه‌ى رێككه‌وتن له‌سه‌ر پشكى هه‌رێم بكرێت.
هێماى بۆ ئه‌وه‌شكردوه‌، رێككه‌وتن كراوه‌ له‌سه‌ر راده‌ستكردنى 50%ى نه‌وت و داهاتى ده‌روازه‌ سنورییه‌كان، پرۆژه‌یاساى بودجه‌ى ساڵی داهاتوش له‌وه‌ى ئه‌مساڵ جیاوازتر ده‌بێت، چونكه‌ هه‌رێم داواى موچه‌ ته‌واوه‌تى و خه‌رجییه‌ سیادییه‌كان و موچه‌ى پێشمه‌رگه‌ ده‌كات.
به‌وته‌ی شیروان میرزا، شاندی هونه‌ریى له‌ به‌غدا گفتوگۆ له‌سه‌ر ژماره‌كان و حسابات و هه‌نارده‌ ده‌كات پێش دیاریكردنى پشكه‌كه‌ى له‌لایه‌ن ئه‌نجومه‌نى وه‌زیرانه‌وه‌، ده‌شڵێت “پێموایه‌ هیچ پشكێك پێش رێككه‌وتنى ته‌واوه‌تى له‌نێوان هه‌ردوولا دیارى ناكرێت”.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .