مه‌حما خه‌لیل: شه‌رم له‌ هیچ لایه‌نێك ناكه‌ین و زانیاری له‌باره‌ی ئه‌نجامده‌ری ته‌قینه‌وه‌كه‌ی شنگال ئاشكراده‌كه‌ین

شه‌وی رابردوو ئۆتۆمبێلێك له‌ نزیك مه‌زاری شه‌ره‌فه‌ددین له‌ قه‌زای شنگال ته‌قییه‌وه‌، به‌ڵام هیچ زیانێگی گیانی و ماددی لێ نه‌كه‌وته‌وه‌.
مه‌حما خه‌لیل قائیمقامی شنگال جه‌ختیكرده‌وه‌، ته‌قینه‌وه‌كه‌ كرده‌وه‌یه‌كی تیرۆریستییه‌ و له‌لایه‌ن گرووپه‌ تیروریستییه‌كانه‌وه‌ ئه‌نجامدراوه‌ و ئامانج لێی ترساندنی خه‌ڵكی شنگاله‌ تاوه‌كو نه‌گه‌رێنه‌وه‌ سه‌ر ماڵ و حاڵی خۆیان.
وتیشی “ئۆتۆمبێله‌كه‌ له‌ جۆری ئۆپڵ بوه‌ و له‌ نزیك مه‌زاری شه‌ره‌فه‌ددین له‌ قه‌زای شنگال ته‌قییه‌وه‌، به‌ڵام خۆشبه‌ختانه‌ هیچ زیانێكی گیانی و ماددی لێ نه‌كه‌وته‌وه‌، لێكوڵینه‌وه‌كانی هێزه‌ ئه‌منییه‌كانیش به‌رده‌وامن بو دۆزینه‌وه‌ی سه‌رچاوه‌ و هۆكاری ته‌قینه‌وه‌ی ئه‌و ئۆتۆمبێله‌” .
هه‌روه‌ك قائیمقامی شنگال ده‌ڵێت “ئه‌مه‌ كرده‌وه‌یه‌كی ئیستیفزازی تیرۆریستییه‌ و گرووپه‌ تیرۆریستییه‌كان ده‌یانه‌وێت ئاسایشی ناوچه‌كه‌ تێكبده‌ن به‌تایبه‌تیش له‌م كاته‌دا كه‌ ژماره‌یه‌كی زۆر له‌ ئاواره‌كانی شنگال ده‌گه‌ڕێنه‌وه‌ سه‌ر ماڵ و حاڵی خۆیان، ئه‌و گرووپه‌ تیرۆریستییانه‌ نایانه‌وێت خه‌ڵكی سنووره‌كه‌ بگه‌ڕێنه‌وه‌ ناوچه‌كانی خۆیان بۆیه‌ كرده‌وه‌ی له‌م جۆره‌ ئه‌نجام ده‌ده‌ن”.
مه‌حما خه‌لیل راشیگه‌یاند “كاتێك ئه‌نجامی لێكۆڵینه‌وه‌كان ته‌واوبن ئێمه‌ شه‌رم له‌ هیچ كه‌س و لایه‌نێك ناكه‌ین و ناو و زانیاری ئه‌و گروپانه‌ بۆ خه‌ڵكی شنگال ئاشكراده‌كه‌ین، كه‌ ئه‌و كرده‌ تیرۆریستییه‌یان ئه‌نجامداوه‌”.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .