نوێترین هەواڵ

نێچیرڤان بارزانی پشتگیری له‌ رێكاره‌كانی كازمی ده‌كات دژ به‌ گروپه‌ چه‌كداره‌كان

نێچیرڤان بارزانی پشتگیریی هه‌رێمی كوردستان بۆ رێكاره‌كانی مسته‌فا كازمی سه‌رۆك وه‌زیرانی عیراق بۆ روبه‌ڕوبونه‌وه‌ی هه‌ڕه‌شه‌ی گروپه‌ چه‌كداره‌كان ده‌رده‌بڕێت و نیگه‌رانیشن به‌رانبه‌ر دۆخی ئه‌منیی وڵات.
به‌یانیی ئه‌مڕۆ سێشه‌ممه‌ نێچیرڤان بارزانی سه‌رۆكی هه‌رێمی كوردستان پێشوازیی له‌ لۆرێنزۆ گوێرینی وه‌زیری به‌رگریی ئیتاڵیا كرد، به‌پێی راگه‌یه‌ندراوی سه‌رۆكایه‌تیی هه‌رێم، دۆخی ئه‌منیی عیراق و هه‌ڕه‌شه‌ی گرووپه‌ چه‌كداره‌كان له‌ نێرده‌ دیپلۆماسییه‌كان و هێزه‌كانی هاوپه‌یمانیی نێوده‌وڵه‌تیی دژی داعش له‌ عیراق و هه‌ڕه‌شه‌ و جموجوڵه‌كانی داعش تاووتوێ كراون.
هه‌ردوولا “هاوڕا بوون هێشتا عیراق و هه‌رێمی كوردستان پێویستیان به‌ هاوكاری و پشتگیریی هاوپه‌یمانیی نێوده‌وڵه‌تی هه‌یه‌ و له‌و باره‌یه‌وه‌ وه‌زیری به‌رگریی ئیتاڵیا به‌رده‌وامیی پشتگیری و هاوكاریی وڵاته‌كه‌ی بۆ هه‌رێمی كوردستان دووپات كرده‌وه‌”‌.
سه‌رۆكی هه‌رێم سوپاسی په‌رله‌مانی ئیتاڵیای كرد، كه‌ ره‌زامه‌ندیی له‌سه‌ر به‌رده‌وامیی ئه‌ركی هێزه‌ ئیتاڵییه‌كان له‌ عیراق و هه‌رێمی كوردستان دا. 
له‌باره‌ی دوایین پێشهاته‌كانی دۆخی عیراق، نێچیرڤان بارزانی رایگه‌یاندوه‌،‌‌ هه‌رێمی كوردستان به‌ نیگه‌رانییه‌وه‌ له‌ پێشهاته‌ ئه‌منییه‌كانی عیراق و هه‌ڕه‌شه‌ی گروپه‌ چه‌كداره‌كان له‌ نێرده‌ دیپلۆماسییه‌كان ده‌ڕوانێت، راشیگه‌یاندووه‌، “ئه‌ركی نێرده‌ دیپلۆماسییه‌كان و هاوپه‌یمانیی نێوده‌وڵه‌تی گرنگه‌، بۆ هاوكاری و پشتگیرییه‌ له‌ عیراق و ده‌بێت سه‌لامه‌تی و ئاسایشیان بپارێزرێت، هه‌رێمی كوردستانیش هه‌موو پشتگیرییه‌ك له‌ هه‌نگاو و رێكاره‌كانی مسته‌فا كازمی سه‌رۆك وه‌زیرانی عیراق بۆ روبه‌ڕوبوونه‌وه‌ی هه‌ڕه‌شه‌كان ده‌كات”.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .