لە ماوەی 24 كاتژمێردا وەزارەتی تەندروستیی حكومەتی هەرێمی كوردستان 673 حاڵەتی نوێی توشبون بە كۆرۆنای لە هەرێمدا تۆماركردوە.
ئامارەكانی ڤایرۆسی كۆرۆنا لە رۆژی چوارشەممەدا ئاماژە بەوەدەكەن، كە هەم توشبوانی پەتاكە بەرزە و هەم چاكبونەوەش لە ئاستێكی بەرزدایە، بەجۆرێك لە بەرانبەر 673 توشبوی نوێ، 430 چاكبونەوەش تۆماركراوە.
زۆرینەی توشبوانی ڤایرۆسەكە لە هەولێر و دهۆكن، چاكبونەوەش بە هەمانشێوە لەو دوو پارێزگایەدا تۆماركراوە، بەڵام گیانلەدەستدانی لە سلێمانی بەرزە و لەو 24 حاڵەتە نوێیەی هەبوە، 10ی لە سلێمانی بوە.
تائێستا 47 هەزار و 810 توشبوی ڤایرۆسی كۆرۆنا لە هەرێمدا تۆماركراوە، كە 30 هەزار و 605یان چاكبونەتەوە، بەڵام هەزار و 749یان گیانیانلەدەستداوە.
