وەزیرێكی ئیمارات: توركیا ماوەی 10 ساڵە 5 هەزار سەربازی لە (باكوری عیراق)دا هەیە

ئەنوەر قرقاش وەزیری كاروباری دەرەوەی ئیمارات دەڵێت “توركیا ماوەی 10 ساڵە 5 هەزار سەربازی لە باكوری عیراق “هەرێمی كوردستان” بڵاوكردوەتەوە”.
ئەنوەر قرقاش لە گفتوگۆیەكی تەلەفزیۆنیدا وتویەتی “ئیمارات لە پاڵ عیراقدا دەوەستێت دژی كارە دوژمنكارانەكانی توركیا، كە ماوەی 10 ساڵە 5 هەزار سەربازی لە (باكوری عیراق)دا بڵاوكردوەتەوە”.
ئاماژەی بەوەشداوە، لەوانەیە لەگەڵ عیراق رێكبین یاخود رێكنەبین، بەڵام سیستمی عەرەبی جگە لە قەتەر و سۆماڵ، پشتگیری تەواوی بەغدا دەكەن دژبە بونی هێزەكانی توركیا لە باكوری عیراقدا.
ناوبەناو سوپای توركیا بە بیانوی شەڕی دژی “پەكەكە” پرۆسەی سەربازی لە هەرێمی كوردستاندا ئەنجامدەدات و چەندین ساڵە بۆردومانەكانی بەردەوامە، سەرەڕای ئاوارەبونی ژمارەیەكی زۆر هاووڵاتی و زیانێكی زۆری مادی، بەهۆیەوە دەیان هاووڵاتی-یش بونەتە قوربانی.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .