شانەی قەیرانەكانی پەرلەمانی عیراق هۆشداری دەدات لە شەپۆلی دووەمی ڤایرۆسی كۆرۆنا و ئەندامێكی شانەكەش دەڵێت: ئەگەر ژمارەكان زۆر زیاد بكەن لەوانەیە قەدەغەی گشتی هاتوچۆ بسەپێنرێتەوە.
بەپێی داتاكانی وەزارەتی تەندروستیی عیراق، ژمارەی توشبوانی كۆرۆنا گەیشتوەتە 362 هەزار و 281 كەس و لەو ژمارەیەش 9 هەزار و 181 توشبو گیانیانلەدەستداوە و 292 هەزار و 197شیان چاكبونەتەوە.
سەبارەت بە بارودۆخی پەتاكە لە عیراق، جەواد موسەوی ئەندامی لیژنەی دارایی پەرلەمانی عیراق رایگەیاندوە: ئەگەری هەیە لە مانگەكانی شترینی یەكەم و دووەم شەپۆلی دوەمی كۆرۆنا لە عێراق سەرهەڵبدات، بەهۆی ئەوەشەوە زیادبونێكی ئاشكرا لە ژمارەی توشبوان دەبینین و لەوانەیە توشبوانی رۆژنە بگەنە 10 بۆ 20 هەزار، ئەوەش ژمارەیەكی گەورەیە.
هێمای بۆ ئەوەشكرد: پێشوازی لە وەزیری تەندروستی و كارمەندانی پێشكەوتو كراوە بۆ گفتوگۆكردن لەسەر ئامادەكاریە پێشوەختەكان بۆ شەپۆلی دووەم، ئەگەر ژمارەكە بە شێوەیەكی بەرچاو زیادیكرد و وەزارەتی تەندروستی توانای بەسەریدا نەشكایەوە، ئەوا ئەگەری هەیە قەدەغەی گشتی هاتوچۆ بگەڕێتەوە.
