باسم خەزعەلی ئەندامی سەربەخۆی پەرلەمانی عیراق دەڵێت “بەرژەوەندی سیاسی رێگرە لەوەی حكومەتی ناوەند كۆنترۆڵی دەروازە سنورییەكانی هەرێمی كوردستان بكات وەك ئەوانەی باشور و ناوەڕاست، پەیوەندییەكانیش هۆكاربون لەبەردەم ئەو كۆنترۆڵنەكردنە”.
باسم خەزعەلی لەلێدوانێكی رۆژنامەوانیدا هێمای بۆ ئەوەكردوە، سەرۆك كۆمار یەكێك بوو لەو كەسانەی پڕوپاگەندەی بۆ ناوی مستەفا كازمی دەكرد پێش ئەوەی بكرێت بە سەرۆك وەزیران، بۆیە كاردانەوەی كازمی بەرانبەر خاڵە سنورییەكانی هەرێم زۆر ئاشكرایە.
وتیشی “پەیوەندی پێشوی كازمی و سەرۆك كۆمار بوەتەهۆی ئەوەی ناوبراو بەرژەوەندییەكانی كورد لەبەرچاو بگرێت و دەروازە سنورییەكانی كوردستان كۆنترۆڵ نەكات وەك ئەوانەی پارێزگاكانی دیكە”.
بەوتەی ئەو پەرلەمانتارە سەربەخۆیە، كازمی دەسەڵاتەكانی لەگەڵ كوردستان بەكارنەهێناوە و هەوڵی نەداوە هیچ بەرژەوەندییەكی بەغدا جێبەجێ بكات، چونكە حزبە كوردیەكان جێبەجێكردنی رێوشوێنەكان رەتدەكەنەوە.
