دۆناڵد ترامپ سەرۆكی ئەمریكا تووشبوونی خۆی و ملانیای هاوسەری بە كۆرۆنا راگەیاند.
ترامپ وێڕای راگەیاندنی ئەرێنی بوونی ئەنجامی پشكنینی كۆرۆنای خۆی و هاوسەرەكەی رایگەیاند، بەمەبەستی وەرگرتنی چارەسەر خۆیان كەرەنتین.
هاوكات كۆشكی سپی لە زاری پزیشكی تایبەتی سەرۆكی ئەمریكاوە بڵاویكردەوە، كە لەئێستادا دۆخی تەندروستی ترامپ و هاوسەرەكەی باشە.
تووشبوونی ترامپ بە كۆرۆنا لە كاتێكدایە كە سەرەتای مانگی داهاتوو هەڵبژاردنی سەرۆكایەتی ئەمریكا بەڕێوەدەچێت.
جۆ بایدن كاندیدی دیموكراتەكان بۆ ئەو هەڵبژاردنە، لەهەڵمەتی بانگەشەدا بە بەردەوام دۆناڵد ترامپی ركابەری بەوە تۆمەتبار كردووە، كە سەركەوتوو نەبووە لە رێگریكردن لە بڵاوبوونەوەی كۆرۆنا.
تائێستا نزیكەی حەوت ملیۆن و 500 هەزار كەس لە ئەمریكا تووشی كۆرۆنابوون و لەو ژمارەیە زیاتر لە 212 هەزار كەس گیانیان لەدەستداوە.
