پۆلیسی هەولێر دەستگیركردنی باندێكی ساختەكردنی زێڕی راگەیاند

بەڕێوەبەرایەتی پۆلیسی پارێزگای هەولێر رایگەیاند، باندێكی حەوت كەسیان لەشارۆچكەی عەینكاوە بەتۆمەتی ساختەكردنی زێڕ دەستگیركردوە.
بەپێی راگەیەندراوێكی پۆلیسی هەولێر، دوای ئاگاداركردنەوەیان، كەوا چەند كەسێك لە شارۆچكەی عەینكاوە زێڕ ساختە دەكەن و دواتر بە زێڕنگرەكانی دەفرۆشن، دەستبەجێ تیمێكی لێكۆڵینەوەی لە بەشی پۆلیسی نەهێشتنی تاوانی عەینكاوا پێكهێندرا.
باسی لەوەشكردووە، دوای بەدواداچونێكی ورد و بەدەستهێنانی زانیاری، هێزەكانی پۆلیس توانیویانە حەوت تۆمەتبار دەستگیر بكەن، لەكاتی لێكۆڵینەوەشدا، تۆمەتبارەكان دانیان بەتوانەكەیاندا ناوە، لەئێستاشدا بە بڕیاری دادوەر و بەپێی ماددە (456) لە یاسای سزادان، ڕاگیران و روبەڕوی دادگا كراونەتەوە