حەسەن رۆحانی سەرۆك كۆماری ئێران دەڵێت “سەرجەم دەروازە سنورییەكان لەگەڵ عیراق داخراون”، تەئكیدیشدەكاتەوە بارودۆخی ئابوریی وڵاتەكەی لە زۆر وڵاتی دیكە باشترە.
رۆحانی لە دانیشتنی ناوەندی نیشتمانی بۆ بەرەنگاربونەوەی كۆرۆنا وتی “لەم سەردەمی كۆرۆنایەدا ئابوری ئێران لە زۆر وڵاتی دیكە باشترە، بۆ نمونە ئابوریی ئەڵمانیا پاشەكشەیەكی زۆری كردوە، هەروەها چەندین دەوڵەتی دیكەی پێشكەوتوش وایانلێهاتوە”.
سەبارەت بە سەردانیكەرانی چلەی ئیمام حسێن-یش بۆ عیراق رایگەیاند، سەرجەم دەروازە سنورییەكان لەگەڵ عیراقدا داخراون و داوا لە هاووڵاتیان دەكات كەس نەچێتە سەر سنورەكان.
سەرۆكی ئێران تەئكیدیشیكردوەتەوە، وڵاتەكەی هەنگاوی گرنگی ناوە لە بواری ئابوریی ئەلیكترۆنی و دیجیتاڵی و بەگرنگیشی دەزانێت ئامادەبونی راستەوخۆ لە فەرمانگەكاندا بەهۆی بڵاوبونەوەی كۆرۆناوە، كەمبكرێتەوە.
