مه‌سعود بارزانی و سه‌رۆكی حكومه‌ت له‌گه‌ڵ سه‌رۆكی ده‌سته‌ی حه‌شدی شه‌عبی كۆبوونه‌وه‌

سه‌رۆكی پارتی دیموكراتی كوردستان و سه‌رۆكی ده‌سته‌ی حه‌شدی شه‌عبی له‌ كۆبوونه‌وه‌یه‌كدا پرسی ئاساییكردنه‌وه‌ی بارودۆخی ناوچه‌ جێناكۆكه‌كانیان تاوتوی كرد.
ڕۆژی یەكشەممە 4ـی تشرینی یەكەمی 2020 لە سەلاحەددین مەسعود بارزانی سه‌رۆكی پارتی پێشوازی لە فاڵح فەیاز سەرۆكی دەستەی حەشدی شەعبی و فەریق عەبدولئەمیر یاروڵڵا سەرۆكی ئەركانی سوپای عێراق كرد.
به‌پێی راگه‌یه‌نراوێكی كۆبوونه‌وه‌كه‌، لە دیدارەكەدا بارودۆخی سیاسیی عێراق و تەحەددیاتی هەنووكەیی و هەڕەشە ئەمنییەكانی بەردەم سەقامگیریی عێراق و ناوچەكە تاوتوێ كرا. هەروەها بیروڕا لەبارەی هەماهەنگیی ئەمنی و كاری هاوبەشی هەرێمی كوردستان و حكوومەتی فیدڕاڵ بۆ ڕووبەڕووبوونەوەی هەڕەشەكان ئاڵوگۆڕ كرا.
لە بەشێكی تری ئەو كۆبوونەوەیەدا جەخت لەسەر پێویستی گرتنەبەری هەنگاوی جددی بۆ ئاساییكردنەوەی بارودۆخی ناوچەكانی ماددەی 140ــی دەستووری عێراق كرایەوە.
له‌دیداره‌كه‌دا سەرۆكی پارتی پشتگیریی خۆی بۆ پڕۆسەی سیاسیی عێراق دووپات كردەوە و ڕاشیگەیاند كە سەقامگیریی عێراق بۆ هەرێمی كوردستان جێگەی بایەخە.
له‌لایه‌كی تره‌وه‌ فالح فه‌یاز له‌گه‌ڵ مه‌سرور بارزانی سه‌رۆكی حكومه‌تی هه‌رێمیش كۆبوه‌وه‌ و به‌پێی راگه‌یه‌نراوی كۆبوونه‌وه‌كه‌، لە دیدارەکەدا گۆڕانکاری و پێشهاتەکانی عێراق و ناوچەکە و گرنگیی هەماهەنگیی ئەمنیی تاووتوێ کرا بۆ ڕووبەڕووبوونەوەی هەڕەشەکانی تیرۆریستانی داعش، بەتایبەتی لە ناوچە کوردستانییەکانی دەرەوەی ئیدارەی هەرێم . جەخت لە چارەسەرکردنی کێشەکانی نێوان هەرێمی کوردستان وحکومەتی فیدراڵی کرایەوە لە سەر بنەمای دەستوور.

هەواڵی دواتر

هۆشیار زێباری جارێكی تر هێرش دەكات سەر دادگای فیدراڵی

هۆشیار زێباری ئەندامی مەكتەبی سیاسی پارتی دیموكراتی كوردستان جارێكی تر هێرش دەكاتەوە سەر دادگای فیدراڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە .