بە داتا…قەرزەكانی سەر حكومەتی هەرێم زیادیانكردوە

قەرزەكانی سەر حكومەتی هەرێم زیادیانكردووە، بەجۆرێك لە ناوەڕاستی ئەمساڵ باسی 27 ملیار دۆلار دەكرا، بەلام ئێستا بووە بە زیاتر لە 28 ملیار و 470 ملیۆن دۆلار.
مەسرور بارزانی سەرۆكی حكومەتی هەرێمی كوردستان لەمیانی وتارەكەیدا لە پەرلەمانی كوردستان، باسی لە قەرزەكان و پابەندییە داراییەكانی سەر حكومەت كرد و رایگەیاند، حكومەتی هەرێم زیاتر لە 28 ملیار و 476 ملیۆن دۆلار قەرز و پابەندیی دارایی لەسەرە، كە قەرزە ناوخۆیی و دەرەكییەكان دەگاتە زیاتر لە 7 ملیار و 256 ملیۆن دۆلار، پابەندییە داراییەكان دەگاتە زیاتر لە 8 ملیار و 337 ملیۆن دۆلار، پاشەكەوتی موچە دەگاتە نزیكەی 9 ملیار دۆلار، هەروەها بابەتی هەردوو بانكی بازرگانیی عیراقی (TBI) و بانكی نێودەوڵەتیی كوردستان (KIB) دەگاتە نزیكەی 4 ملیار دۆلار.
ئەمە لەكاتێكدا پێشتر و لە میانی وتارێكیدا، كە لە رۆژی 22-5ی ئەمساڵ پێشكەشیكرد، مەسرور بارزانی رایگەیاندبو، حكومەتی هەرێم 27 ملیار دۆلار قەرزدارە.
دیار نییە قەرزەكانی سەر حكومەتی هەرێم بۆچی زیادیانكردوە، لەكاتێكدا چەند مانگێكە، هەم موچە لەكاتی خۆیدا دابەشناكرێت و لێیدەبڕدرێت، هەم بەگشتی پرۆژە خزمەتگوزارییەكانیش وەك پێویست نین و راگیراون