مەسعود بارزانی: پێویستە مافە رەواكانی كورد لە سوریا بچەسپێن

سەرۆكی پارتی دیموكراتی كوردستان دەڵێت: پێویستە مافە ڕەواكانی گەلی كورد لە سوریا بچەسپێن و كۆتایی بە ڕەنج و ئازارەكانی كورد لەو وڵاتە بهێندرێت.
مەسعود بارزانی سەرۆكی پارتی لە پەیامەكەیدا بەبۆنەی تێپەڕینی 32 ساڵ بەسەر كۆچی دوایی نورەدین زازا دامەزرێنەری پارتی دیموكراتی كورد لە سووریا رایگەیاندوە”ئێستا لە كاتێكدا یادی خوالێخۆشبو نورەدین زازا دەكەینەوە كە ئایندەی گەلی كورد لە سوریا ڕوبەڕوی تەحەددیاتی گەورە بوەتەوە.”
وتوشیەتی”پێویستە بە هەوڵی هەمو لایەك و بەردەوامبونی لەو خەباتە سیاسییەی نورەدین زازا و هەڤاڵانی بەردی بناغەی بون، مافە ڕەواكانی گەلی كورد لە سوریا بچەسپێن و كۆتایی بە ڕەنج و ئازارەكانی كورد لە سوریا بهێندرێت.”