سەیدزادە فاتیمە، نەخشێنەرى یەکەمین ئاڵای کوردستان، لە کۆماری مەهاباد کۆچى دوایی کرد.
بەپێى سەرچاوەکانى رۆژهەڵاتی کوردستان، شەوی رابردوو (سەیدزادە فاتیمە) کە بە دایکی ئاڵای کوردستان ناسراوە، لە شاری مهابادی رۆژهەڵاتی کوردستان کۆچی دوایی کردووە.
سەیدزادە فاتیمە ناوی تەواوی (سەیدزادە فاتیمە سەید مەناف سەید حسێنی)یە و خەڵکی شاری مەهابادە، ئاڵای کۆماری مەهابادی قازى محەمەدى بەدەستی خۆی نەخشاندووە، هاوسەری کەریم ئەحمەدین، وەزیری پۆست و تەلەگراف و تەلەفۆنی کۆماری مەهاباد بووە، شەوی رابردوو لە شاری مهابادی رۆژهەڵاتی کوردستان کۆچی دوایی کرد.
