نوێترین هەواڵ

توركیا كەشتیی ناردەوە خۆرهەڵاتی دەریای ناوەڕاست

توركیا لەمڕۆوە كەشتیی ئوروچ رەیس دەنێرێتەوە خۆرهەڵاتی دەریای ناوەڕاست، بڕیارە ئەمجارە بۆ ماوەی 10 رۆژ بمێنێتەوە، بەڵام ئەمجارە لەبری گەڕان بەدوای وزە، خەریكی روپێویی بومەلەرزەیی دەبێت، یۆنان لەو هەنگاوە نیگەرانە.
لە هەنگاوێكدا، كە پێدەچێت دووبارە گرژیی لەنێوان ئەنقەرە و ئەوروپا بێنێتەوە ئارا، دەستەی دەریاوانیی توركیا ئاگادارییەكی بڵاوكردەوە، بەوەی كەشتیی ئوروچ رەیس لەمڕۆ دووشەممەوە دەچێتەوە خۆرهەڵاتی دەریای ناوەڕاست، دوو كەشتیی دیكە، كە بریتین لە كەشتییەكانی ئاتامان و جەنگیزخان، هاوڕێیەتیی كەشتییەكە دەكەن، بڕیارە بۆ ماوەی 10 رۆژ، لە ناوچەكانی باشوری دورگەی كاستیلۆریزۆ-ی یۆنانی، روپێوییەكی بومەلەرزەیی ئەنجامدەدات.
روپێوییەكە ئەمڕۆ دووشەممە دەستپێدەكات و تاوەكو 22ی ئەم مانگە بەردەوام دەبێت.
هەفتەی رابردوو وەزیرانی دەرەوەی توركیا و یۆنان بە چاودێری یەكێتیی ئەوروپا، بۆ كۆتاییهێنان بە گرژییەكانی نێوانیان كۆبوونەوە، بڕیاربوو دانوستانی دیكەش لەنێوانیاندا هەبێت، بەڵام پێدەچێت هەنگاوە نوێیەكەی توركیا بە ناردنەوەی كەشتییەكان، زیان بە دانوستانەكان بگەیەنێت.
لە نوێترین كاردانەوەیدا، وەزاەرتی دەرەوەی یۆنان دوپاتیكردووەتەوە، دووبارە ناردنەوەی كەشتییەكان بۆ دەریای ناوەڕاست، هەڕەشەیە لەسەر ئاسایش و ئاشتیی هەرێمی و دەریدەخات، كە توركیا جێی متمانەپێكردن نییە و ویستی دانوستانی نییە.
یۆنان و قوبڕس و یەكێتیی ئەوروپا لە هەنگاوەكانی توركیا بۆ گەڕان بەدوای وزە لە سنورە ئاوییەكانی خۆرهەڵاتی دەریای ناوەراست نیگەرانن، دوپاتیدەكەنەوە، بەپێی یاسا ئەنقەرە بۆی نییە لەو سنورە ئاوییانە بەدوای وزەدا بگەڕێت، بۆیە ئەوروپا زیاد لە جارێك هەڕەشەی سزادانی لە توركیا كردووە.

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .