عادل روكابی وەزیری كار و كاروباری كۆمەڵایەتی دەڵێت “10 هەزار بێكار لە عیراقدا خاوەنی بڕوانامەی باڵان”. تەئكیدیشدەكاتەوە، ئەنجومەنی خزمەتگوزاریی فیدراڵی كاریگەری لەسەر فەراهەمكردنی هەلی كار دەبێت.
عادل روكابی بە ئاژانسی هەواڵی فەرمیی عیراقی وتوە “بەهۆی ئەو بێبەرنامەییەی تایبەت بە دابینكردنی دامەزراندن لەرابردودا هەبوە، حكومەت روبەڕوی ژمارەیەكی زۆر بێكار بوەتەوە”.
ئەو وەزیرەی حكومەتی عیراق بە پێویستیدەزانێت ئەنجومەنی خزمەتگوزاریی فیدراڵی رۆڵی خۆی ببینێت و ئەوانیش پشتگیری دەستپێشخەری فەراهەمكردنی هەلی كاردەكەن، چونكە تەنها ئەوانەی خاوەنی بڕوانامەی باڵان و بێكارن، 10 هەزار كەس دەبن.
لەلایەكی دیكەوە سەرۆكی ئەنجومەنی خزمەتگوزاریی فیدراڵی باسی لەوەكردوە، لە رێگەی دەستپێشخەری فەراهەمكردنی هەلی كارەوە، بنكەی زانیاری بۆ ژمارەیەكی زۆر لە بێكار دروستدەكەن، زیاتر لە دوو هەفتەشە كاردەكەن بۆئەوەی دەستپێشخەرییەكە بە باشترین شێوە بەڕێوەبچێت.
