نوێترین هەواڵ

ئەمڕۆ وەزیری تەندروستیی هەرێم هۆكاری بەرزبونەوەی ژمارەی توشبوانی كۆرۆنا روندەكاتەوە

فەرمانگەی میدیا و زانیاری حكومەتی هەرێم رایگەیاند، ئەمڕۆ لیژنەی باڵای روبەڕوبونەوەی كۆرۆنا كۆدەبێتەوە و تاوتوێی پرۆسەی خوێندنی ئەمساڵ و چەند بابەتێكی دیكە دەكات.
كۆبونەوەكەی لیژنەی باڵای روبەڕوبونەوەی كۆرۆنا لە دیوانی وەزارەتی ناوخۆ بەڕێوەدەچێت و بەگوێرەی ئەو زانیارییەی فەرمانگەی میدیا و زانیاری حكومەتی هەرێم بڵاویكردوەتەوە، تاووتوێی هۆكاری تەشەنەسەندنی ڤایرۆسی كۆرۆنا و پڕۆسەی خوێندن لە قوتابخانە و زانكۆ و پەیمانگاكانی هەرێم دەكەن.
لەلایەكی دیكەەوە ئاسۆ حەوێزی وتەبێژی وەزارەتی تەندروستی هەرێم رایگەیاند، لەكۆبونەوەكەدا وەزیری تەندروستی راپۆرتی وەزارەتەكەیان سەبارەت بە رەوشی ئێستای كۆرۆنا و دوایین گۆڕانكارییەكان و رێكار و ستراتیجیەتی نوێ بە گشتی و بۆ قوتابخانەكان و زانكۆ بەتایبەت پێشكەشدەكات.
ماوەی چەند هەفتەیەكە ژمارەی توشبوانی كۆرۆنا لە هەڵكشانی بەردەوامدایە و دوێنێ ریكۆردی تۆماركرد، كە 900 توشبوی نوێ بو، تائێستاش كۆی گشتی توشبوانی پەتاكە گەیشتونەتە 57 هەزار و 365 كەس، كە چاكبونەوە 35 هەزار و 705 كەسە و گیانلەدەستدانیش بەرزبۆتەوە بۆ دوو هەزار و 40 كەس.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .