دوو پەرلەمانتاری پێشوی گۆڕان داوای لێبوردن لە هەموو ئەو خەڵكە ناڕازیە دەكەن كە دەنگیان بە حزبەكەیان دا

دوو پەرلەمانتاری پێشوی گۆڕان لە عیراق و هەرێم داوای لێبوردن لەو خەڵكە ناڕازییە دەكەن، كە لە هەڵبژاردنەكاندا دەنگیان بە بزوتنەكەیان داوە.
لەوبارەیەوە لەتیف شێخ مستەفا ئەندامی پێشوی فراكسیۆنی گۆڕان لە پەرلەمانی عیراق داوای لێبوردن دەكات لەو هەموو خەڵكە ناڕازیەی دەنگی بە حزبەكەیان دا و هیوای پێ هەڵچنیبو بۆئەوەی بتوانێت سیستمی بۆ بگۆڕێ و ژیانی چاك بكات، بەڵام لەپێناوی چەند پۆستێك و بەرژەوەندیی چەند كەسێكدا نائومێدكران.
لەتیف شێخ مستەفا لە پەیجی خۆیەوە لە فەیسبوك نوسیویەتی “هەرچەندە لەوانەیە زۆرێك لە خەڵكی ئاگاداربن و من وەك كەسێكی سەربەخۆ لەگەڵ گۆڕان كارم كرد و شایەتیش زۆرن، كە لە ساڵی 2013دا زۆر هەوڵمدا گۆڕان نەچێتە حكومەتەوە و بەشداری ئەم دەسەڵاتە نەكات و لەكاتی خۆیشی بە كردەوە و بە نوسین و بەقسەش هەڵوێستی خۆم دەربڕیوە”.
ئەو پەرلەمانتارەی پێشوی گۆڕان نوسیویشیەتی “پێموابو ئەگەر بەقسەی ئێمەیان بكردایە ئاوای لێ نەدەهات، بەڵام بەداخەوە بەقسەمان نەكرا، ئیتر لەو رۆژەوەی بەشداری دەسەڵاتیان كرد من خۆم دورە پەرێز گرت لێیان”.  
لەلایەن خۆیەوە عادل عەزیز پەرلەمانتاری پێشوی گۆڕان لە پەرلەمانی كوردستان بە هەمان شێوە داوای لێبوردن دەكات لە هەموو ئەو خەڵكە ناڕازیەی دەنگی بەگۆڕاندا و هیوای بە بزوتنەوەكە هەڵچنیبو، كە بتوانێت سیستەمی بۆ بگۆڕێ و ژیانی چاك بكات.
دەشڵێت “بەگەورەیی خۆتان بمانبورن، ئێمە بۆ ئەمەمان نەكرد، خەونی ئێمە گۆڕانكاری و نەهێشتنی گەندەڵكاران بوو یان لانی كەم بچوككردنەوەیان، نەك وەك ئێستا خۆ بچوككردنەوە لەبەردەم ستەمكاراندا”.
هەر لە رێی فەیسبوكی خۆیشیەوە، رایگەیاند، كە وازی لە بزوتنەوەی گۆڕان هێناوە و ئیتر كەسێكی سەربەخۆ و بێلایەنە.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .