له وهڵامى وهزیری نهوتی عیراق، كه پێشنیارى دروستكردنی كۆمپانیایهكى كردبوو بۆ ئیدارهدانی نهوت و غازی ههرێم، جوتیار عادل وتهبێژی حكومهتی ههرێمی كوردستان دهڵێت “ئهو پێشنیاره سهرنجی حكومهتی ههرێم لهسهر كاره له پێشینهكانی لانابات بۆ گفتوگۆی بنیادنهر لهگهڵ حكومهتی فیدراڵ”.
لهماوهى رابردودا ئیحسان عهبدولجهبار وهزیرى نهوتى عیراق پێشنیارى ئهوهى كردبوو كۆمپانیایهك دروستبكرێت بۆ ئیدارهدانى كهرتى نهوت و غازى ههرێمى كوردستان.
له بهرانبهر ئهو پێشنیارهدا، جوتیار عادل له بهیاننامهیهكدا ئاماژهى بهوهداوه، لهماوهى رابردودا راپۆرتێك لهسهر پێشنیارى بهرپرسێكى باڵاى عیراق بڵاوكرایهوه تایبهت به ئیدارهدانى نهوت و غازى ههرێم له داهاتودا، ئهو راپۆرتانه سهرنجى ههرێم لهسهر كاره لهپێشینهكانى لانابات بۆ بهردهوامبون له گفتوگۆ بنیادنهرهكان لهگهڵ حكومهتى فیدراڵی.
ئاماژهی بۆ ئهوهشكردوه، تهركیزیان لهسهر دۆزینهوهى چارهسهرێكى كردارى و یاسایی سهبارهت به كهرتى نهوت و غاز دهمێنێتهوه، بهشێوهیهك كه مافهكانى گهلى كوردستان و عیراق بپارێزێت، ئهو جۆره چارهسهرانهش پێویستى بهوهیه له چوارچێوهى دهستور بێت بۆ دابهشكردنى دادپهروهرانهى سهروهتى نهوت و غاز له عیراقدا.
