wazho.net
سەرۆکی حکومەتی هەرێمی کوردستان رایده‌گه‌یه‌نێت، هەرێم روودەکاتە “سەرچاوەی پاکتر و هەرزانتری وزە بۆ کوردستان”.
رۆژی پێنجشەممە، 15/10/2020 مەسرور بارزانی، لە تویتێکدا بڵاویكرده‌وه هەرێم “وەبەرهێنان دەکات بۆ داهاتوو، بەڕووی وزەی پاکتر و هەرزانتر بۆ کوردستان”، ئاماژه‌ی به‌وه‌شكردووه، “وزەی پاک، دەکرێت ببێتە سێکتەرێکی گەورە لە گەشەسەندنی ئابوورییەکەمان”.
مەسرور بارزانی ئه‌وه‌شی خستۆته‌ڕوو، کوردستان رۆژانە سێ هەزار مێگاوات کارەبا بەرهەمدەهێنێت، كه “سەرچاوەی بەرهەمهێنانی ئەو کارەبایە له 76٪ گازی سرووشتی و له 13٪ نەوتی رەش و 7٪ کارۆئاو و 4٪ دیزڵه”.
جێی باسه وزەی خاوێن، وزەی سەوزیشی پێدەوترێت و لەو سەرچاوە سرووشتییانە بەرهەمدەهێنرێت، کە کۆتاییان نایەت و جیاوازە لە سووتەمەنییه‌كانی وه‌ك پەترۆل، کاربۆن و گازی سرووشتی و تەنانەت وزەی ناوەکی و زیانیش بە ژینگە ناگه‌یه‌نن.
