شوان تەها بەرپرسی لقی پێنجی پارتی دیموكراتی كوردستان لە شاری بەغدا دەڵێت، بەهۆی دابیننەكردنی پاراستن بۆ بارەگاكەیان سكاڵا لەسەر حكومەتی عێراق تۆمار دەكەن.
ئەمڕۆ شەممە 17ی تشرینی یەكەمی 2020 لایەنگرانی حەشدی شەعبی هەڵیانكوتایە سەر بارەگای پارتی لە شاری بەغدا و ئاگریان تێبەردا و ئاڵای هەرێمی كوردستان و پارتیشیان سوتاند.
سەبارەت بە روداوەكە شوان تەنها بە ماڵپەڕی شەفەق نیوزی وتوە، سكاڵا لەسەر حكومەتی عێراق تۆمار دەكەن، بەهۆی ئەوەی پاراستنی بۆ بارەگای پارتی لە بەغدا دابین نەكردوە.
سەبارەت بەو لایەنانەی كە هەڵیانكوتایە سەر بارەگاكەیان كە باس لەوەدەكرێت گروپی “ربع الله” و “حەشدی شەعبی” بوون، بەرپرسی لقی پێنجی پارتی لە بەغدا هێمای بۆ ئەوەكردوە، ئەو بابەتە بۆ هێزە ئەمنیەكان جێدەهێڵین بۆ ئەوەی لێكۆڵینەوە لەبارەوە بكەن، هەرچی سەبارەتە بە زیانەكان وتی “تەنها زیانی ماددی هەبوە و هیچ كەس ئازاری پێنەگەیشتوە”.
