بانكی ناوەندی عیراقی تەئكید دەكاتەوە، نرخی دۆلار بەرامبەر دیناری عێراقی جێگیرە و نەگۆڕاوە، یەدەگی دراوی بیانیش زۆر باشە.
بانكی ناوەندی لەبەیاننامەیەكدا بڵاویكردوە، ئەو لێدوانانەی لەماوەی رابردودا بڵاوكرانەوە تایبەت بە دابەزینی نرخی دیناری عیراقی بەرامبەر دۆلاری ئەمریكی تەنها بۆچونی ئەو كەسەیە كە وتویەتی و هەڵوێستی فەرمی بانكی ناوەندی نییە.
ئەوەش هاتوە، چەند لێدوان و پڕوپاگەندەیەك بڵاوكرانەوە كە دەڵاڵ و نێووەندگیرەكان بوون و ئەوەش كاریگەری لەسەر نرخ دروستكرد بەشێوەیەكی كاتی.
بانكی ناوەندی هێمای بۆ ئەوەشكرد، نرخی خەرجكردن جێگیرە و نەگۆڕاوە و سیاسەتی نەختینە ئاشكرا و روونە و یەدەگی دراوی بیانی زۆر باشە بەپێی هەموو ئاماژە نێودەوڵەتیەكان بەشێوەیەك كە دەتوانین قەیرانی دارایی كە وڵاتی پێدا تێپەڕ دەبێت تێپەڕێنین.
