سەعید هەركی جێگری سەرۆكی لیژنەی دەستپاكی لە پەرلەمانی كوردستان دەڵێت “حكومەتی هەرێم راپۆرتی یاسای چاكسازیی ئامادەكردوە و بڕیارە ئەم هەفتەیە رەوانەی پەرلەمانی بكات”.
سەعید هەركی لەلێدوانێكدا رونیكردوەتەوە، حكومەتی هەرێم راپۆرتی خۆی لەبارەی یاسای چاكسازییەوە تەواوكردوە و ئامادەكراوە بۆئەوەی رەوانەی پەرلەمانی بكات و بڕیارە لەم هەفتەیەشدا بینێرێت. ئامانج لە راپۆرتەكەش ئاگاداربونە لە كارەكانی حكومەت سەبارەت بە جێبەجێكردنی یاسای چاكسازی.
مەبەستێكی دیكەی حكومەت لە ناردنی ئەو راپۆرتە، خستنەڕوی زانیارییە لەبارەی ئەوەی لە هەر وەزارەتێك، لیژنە بۆ جێبەجێكردنی یاسای چاكسازی دروستكراوە.
جێگری سەرۆكی لیژنەی دەستپاكی تەئكیدیشیكردوەوە، لە رێی ئەو راپۆرتەوە دەزانن هەر وەزارەتێك چ هەنگاوێكی ناوە و جێبەجێكردنی ئەو یاسایەش گەیشتوەتە چ قۆناغێك، چونكە حكومەت دەیەوێت پەرلەمان ئاگاداری هەمو هەنگاوەكان بێت.
