وەزارەتی پەروەردە: مامۆستایان پابەندبن بە تەواوكردنی پڕۆگرامەكانی خوێندن و تاقیكردنەوەكانیش لەكاتی خۆیاندا دەكرێن

بەڕێوەبەرایەتیی گشتیی سەرپەرشتیكردنی پەروەردەیی هەرێم نوسراوێكی دەركردوە، دوپاتیدەكاتەوە، پێویستە كارگێڕیی خوێندنگاكان ئاگاداربكرێنەوە، كە بۆ ئەمساڵی خوێندن مامۆستایان پابەندبن بە تەواوكردنی پڕۆگرامەكانی خوێندن، تاقیكردنەوەكانیش لە هەمان ئەو وادانەدا بەڕێوەدەچن، كە لەساڵنامەی خوێندندا هاتوون.


بەڕێوەبەرایەتیی گشتیی سەرپەرشتیكردنی پەروەردەیی لە وەزارەتی پەروەردەی هەرێمی كوردستان، لە نوسراوێكدا، كە ئاراستەی بەڕێوەبەرایەتییەكانی سەرپەرشتیكردنی پەروەردەیی لە هەرێمی كوردستان و كەركوكی كردووە، چەند بڕیارێكی‌ نوێی‌ بۆ خوێندنی‌ ئەمساڵ دەركرد، دەڵێت، پێویستە مامۆستایان پابەندبن بە تەواوكردنی پڕۆگرامەكانی خوێندن و پڕۆگرام كەمناكرێتەوە، هەروەها خوێندنی پڕۆگرامەكان بەگوێرەی ریزبەندی دەبێت، بەش و بەندەكان نابێت پاش و پێشیان پێبكرێت.
لەبارەی تاقیكردنەوەكانیشەوە، وەزارەتی پەروەردە دوپاتیشیكردووەتەوە، هەڵسەنگاندنەكانی نیوەوەرز و تاقیكردنەوەكانی مانگانە و كۆتایی وەرزەكان بەپێی ساڵنامەی خوێندنی ئەمساڵ و رێنماییەكانی بەڕێوەبەرایەتیی گشتیی ئەزمونەكان ئەنجامدەدرێن.
ئەم بڕیارە نوێیانەی وەزارەتی پەروەردە لەكاتێكدایە، تا ئێستا لە سنوری پارێزگاكانی سلێمانی و هەڵەبجە و هەردوو ئیدارەی گەرمیان و راپەڕین بایكۆتی مامۆستایان بەردەوامە و قوتابخانەكان دەستیان بە خوێندنی ئەمساڵ نەكردووە.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .