ەمەبەستی دابینكردنی چارەسەری كارمەندانی سەر بە نەتەوە یەكگرتووەكان دوای توشبونیان بە ڤایرۆسی كۆرۆنا، هەولێر و رێكخراوە نێودەوڵەتییەكە رێككەوتن.
ئەمڕۆ 20-10-2020 یاداشتێكی لێكتێگەیشتنی چارەسەری ، كە توشی كۆرۆنا دەبن، لەنێوان تەندروستیی هەولێر و نەتەوە یەكگرتووەكان واژۆ كرا.
د. دلۆڤان محەمەد بەڕێوەبەری گشتیی تەندروستی هەولێر لە كۆنفرانسێكی رۆژنامەوانیدا وتی، ئەم ڕێككەوتنە تایبەتە بە دابینكردنی چارەسەری پێویست بۆ كارمەندانی سەر بە نەتەوە یەكگرتووەكان، كە دوای ئەوەی پشكنینیان بۆ دەكرێت دواتر لە نەخۆشخانەكانی تایبەت بە چارەسەری كۆرۆنا لە هەولێر چارەسەر وەردەگرن.
پاشان ڕیكاردۆ رۆدریگێز نێردەی نەتەوە یەكگرتووەكان لە هەرێمی كوردستان سوپاسی حكومەتی هەرێم و وەزارەتی تەندروستی كرد بۆ هەوڵەكانیان لە ڕێگریكردن لە ڤایرۆسی كۆرۆنا و وپێشكەشكردنی خزمەتگورزاریی تەندروستی، وتی “ئێمە متمانەمان بەدامەزراوە تەندروستییەكانی هەرێمی كوردستان بە گشتی و هەولێر بەتایبەتی هەیە، بۆیە لەگەڵیان ڕێكدەكەوین بۆ چارەسەری كارمەندانی نەتەوە یەكگرتووەكان لەسەر ئاستی عیراق”.
هەروەها د. سامان بەرزنجی وەزیری تەندروستیی هەرێم ڕێككەوتنەكەی بە نیشانەی بەهێزیی متمانەی ڕێكخراوە جیهانییەكان بە خزمەتگوزارییە تەندروستییەكانی كوردستان وەسفكرد، دوپاتیكردەوە بەردەوام پرۆتۆكۆڵی تەندروستیی كوردستان لەبارەی بەرەنگاربونەوەی كۆرۆناوە تازەدەكرێتەوە.
