فالح فه‌یاز سه‌رۆكی ده‌سته‌ی حه‌شدی شه‌عبی له‌باره‌ی سوتاندنی باره‌گای لقی پێنجی پارتی له به‌غدا ده‌ڵێت، به هه‌ڵكردنی ئاڵای حه‌شد له‌سه‌ر باره‌گای پارتی “هه‌ستمان به خه‌جاڵه‌تی كرد”.
فالح فه‌یاز له گفتوگۆیه‌كى ته‌له‌فزیۆنیدا هێماى بۆ ئه‌وه‌كردوه، حه‌شدى شه‌عبى به‌رپرس نییه له‌وه‌ى، كه هه‌ندێك لایه‌ن دروشمى ئه‌وه به‌رزده‌كه‌نه‌وه، كه سه‌ر به حه‌شدن و باره‌گاى پارتییان سوتاند له شارى به‌غدا، “به‌داخه‌وه ئه‌وه كارێكى تاوانكارییه”.
فه‌یاز ده‌شڵێت، هه‌ستمان به خه‌جاڵه‌تی كرد به هه‌ڵكردنى ئاڵاى حه‌شدى شه‌عبى له‌سه‌ر باره‌گاى پارتى، هێزه ئه‌منیه‌كان 15 بۆ 18 كه‌سیان ده‌ستگیر كردوه، كه تۆمه‌تبارن به سوتاندنى باره‌گاكه.
به‌ڵام سه‌رۆكى ده‌سته‌ى حه‌شدى شه‌عبى رونیشیكردوه‌ته‌وه، كه هۆشیار زێبارى وه‌زیرى پێشوترى دارایی عیراق بێڕێزى به حه‌شد كرد، له‌كاتێكدا ناوبراو كاتێك وه‌زیر بوو، سه‌رجه‌م ئاسانكاریه داراییه‌كانى بۆ حه‌شد ده‌كرد.
