وەزارەتی پلاندانان پێشبینی دەكات تا ساڵی 2025 ژمارەی دانیشتوانی عێراق بگاتە 42 ملیۆن كەس، زیادبوونی ژمارەكە فشار لەسەر بازاڕ و هەلی كار دروستدەكات.
زیا كازم بەڕێوەبەری دەزگای ناوەندی بۆ سەرژمێری، كە سەر بە وەزارەتی پلاندانانە، بە رۆژنامەی سەباحی نیمچە فەرمی وتوە، ژمارەی پێشبینیكراوی دانیشتوانی عێراق لە ئێستادا 39 ملیۆن كەسە، پێشبینی دەكرێت تا ساڵی 2025 دانیشتوانی عێراق بگاتە 42 ملیۆن كەس.
بەڕێوەبەری دەزگای ناوەندی بۆ سەرژمێری ئەوەشی رونكردوەتەوە، ئەو گەشەسەندنە خێرایە لە ژمارەی دانیشتوان، بە رێژەی 850 هەزار كەس بۆ یەك ملیۆن كەس، زیاتر لە بەغدای پایتەخت و موسڵ و بەسرە دەبێت، زیادبوونی ژمارەی دانیشتوانیش لەماوەی چەند ساڵی داهاتودا پەستان دەخاتە سەر بازاڕ و كار و خزمەتگوزاریەكانی حكومەت.
