ئاژانسی هەواڵگری و لێكۆڵینەوەی فیدراڵیی عیراق ئاشكرایكرد، “ئەبو حەسەن كوردی” چەكداری رێكخراوی داعش لە بۆسەیەكدا لە پارێزگای دیالە كوژراوە.
ئاژانسەكە لەبەیاننامەیەكدا بڵاویكردوەتەوە، ئاژانسی هەواڵگریی سەربە بەڕێوەبەرایەتی هەواڵگریی دیالە توانیویەتی لە بۆسەیەكدا، كە 24 كاتژمێری خایاندوە “ئەبو حەسەن كوردی” چەكداری داعش لە ناوچەی حامدی سەربە قەزای مەندەلی لە پارێزگای دیالە بكوژن.
رونیشكراوەتەوە، ئەو چەكدارەی داعش بەپێی مادەی 4ی تیرۆر داواكراو بوە و لە چەندین كردەی تیرۆریستی لە قەزای فەلوجە و حەویجە و پارێزگای دیالە بەشداری كردوە.
ئەبو حەسەن كوردی لەكاتێكدا ماتۆڕسكیلی لێخوڕیوە، كەوتوەتە بۆسەیەكی هێزەكانی هەواڵگریی و كوژراوە، دەستیش بەسەر چەكێكی جۆری كڵاشینكۆف و كەلوپەلی لۆجستی دیكەدا گیراوە.
