مایك پۆمپیۆ وەزیری دەرەوەی ئەمریكا لە یادی كوژرانی ئەبوبەكر بەغدادی سەركردەی پێشوی رێكخراوی داعشدا دەڵێت “ئەو رێكخراوە تائێستاش مەترسییە و هاوپەیمانێتیی نێودەوڵەتی بەردەوام دەبێت لە شكستپێهێنانی”.
پۆمپیۆ لە تۆڕی كۆمەڵایەتی تویتەرەوە پەیامێكی بڵاوكردوەتەوە و تێیدا جەختیكردوەتەوە، سەرەڕای تێپەڕبونی ساڵێك بەسەر پرۆسەی كۆتاییهێنان بە ئەبوبەكر بەغدادی لەلایەن ئەمریكاوە و سەرەڕای ئەو دەستكەوتە دیارانەی بەدەستهاتون، بەلام رێكخراوی داعش تائێستاش مەترسییە.
رونیشیكردوەتەوە، بەردەوام دەبن لە كاركردن لەگەڵ هاوپەیمانێتیی نێودەوڵەتی دژی داعش بۆ كۆتاییهێنان بەو رێكخراوە بەشێوەیەكی هەمیشەیی.
رۆژی 27ی ئۆكتۆبەری 2019 هێزێكی ئەمریكی لە پرۆسەیەكی تایبەتیدا لە سوریا گەمارۆی ئەبوبەكر بەغدادی دا، بەڵام ناوبراو خۆی نەدا بەدەستەوە و خۆی تەقاندەوە.
