به‌ره‌به‌یانی ئه‌مڕۆ په‌رله‌مانی عیراق بازنه‌كانی هه‌ڵبژاردنی له كه‌ركوك یه‌كلاكرده‌وه و پارێزگاكه‌ی به‌سه‌ر سێ بازنه‌دا دابه‌شكرد و 12 كورسیشی بۆ دیاریكردوه.
دانیشتنه‌كه‌ی په‌رله‌مان تا به‌ره‌به‌یانی ئه‌مڕۆی خایاندوه و دواجار په‌رله‌مانتاران له‌سه‌ر ورده‌كارییه‌كانی هه‌ڵبژاردن له پارێزگای كه‌ركوك رێككه‌وتون و به‌سه‌ر سێ بازنه‌دا دابه‌شیانكرد.
سێ بازنه‌كه‌ی كه‌ركوك بریتین له خۆرهه‌ڵاتی قه‌زای ناوه‌ند (5 كورسی)، ناوه‌ڕاستی قه‌زای ناوه‌ند (4 كورسی)، حه‌ویجه و ریاز (3 كورسی).
له‌نێو ئه‌و 12 كورسییه‌ی بۆ كه‌ركوك دیاریكراوه، سێ كورسییان بۆ خانمانی پارێزگاكه ده‌بێت.
