شانه‌ى راگه‌یاندنى ئه‌منى ئاشكرایكرد، ژماره‌ى قوربانیانی ته‌قینه‌وه‌ی بۆرییه غازه‌كه‌ی پارێزگاى موسه‌نا، گه‌یشتونه‌ته 2 گیانله‌ده‌ستدان و 28 بریندار، كه 9-یان چه‌كدارى حه‌شدى شه‌عبین.
شانه‌ى راگه‌یاندنى ئه‌منى له به‌یاننامه‌یه‌كدا بڵاویكردوه‌ته‌وه، به‌هۆی ته‌قینه‌وه‌ی بۆرییه غازه‌كه‌ی پارێزگاى موسه‌نا 2 منداڵ گیانیان له‌ده‌ستداوه، 28 كه‌سیش بریندار بوون.
شانه‌كه رونیشیكردوه‌ته‌وه، 9 كه‌س له برینداره‌كان ئه‌ندامى لیواى 44ى حه‌شدى شه‌عبین و ئه‌وانى دیكه خه‌ڵكى ناوچه‌كه‌ن.
ته‌ئكیدیش كراوه‌ته‌وه، تائێستا هۆكارى ته‌قینه‌وه‌ى ئه‌و بۆریه غازه نادیاره و دواى لێكۆڵینه‌وه‌كان زانیارى له‌و باره‌یه‌وه بڵاوده‌كرێته‌وه.
ئه‌و بۆرییه‌ی ته‌قیوه‌ته‌وه، غاز له به‌سره‌وه بۆ پارێزگاكانی تری عیراق ده‌گوازێته‌وه.
