لە هەرێمی كیوبیك-ی كەنەدا، كەسێك بە چەقۆ هێرشی كردە سەر خەڵك و دوو كەسی كوشت، دواتر هێرشكارەكە دەستگیركرا.
پۆلیسی كەنەدا ئاشكرایكرد، لە دەوروبەری كاتژمێر 01:00ی شەو بەكاتی وڵاتەكە، لە هەرێمی كیوبیك، كەسێك، كە جلوبەرگی كۆنی سەدەكانی ناوەڕاستی لەبەر بووە، بەچەقۆ هێرشیكردووەتە سەر چەند كەسێك، پۆلیس دەڵێت، بەو هۆیەوە دوو كەس كوژراون و پێنج كەسی دیكەش برینداربوون، دواتر هێرشكارەكە دەستگیركراوە و پۆلیس دەستیكردووە بە لێكۆڵینەوە لە رووداوەكە و هۆكاری ئەو هێرشە.
هەرێمی كیوبیك-ی كەنەدا، یەكێكەو لە هەرێمە گەورەكانی ئەو وڵاتە و زمانی فەڕەنسی زمانی فەرمی و سەرەكیی هەرێمەكەیە.
