ژمارەی قوربانییانی بومەلەرزەكەی ئیزمیر-ی توركیا بەرزبوەوە بۆ 940 كەس، بومەلەرزەیەكی دیكەش باشوری شارەكەی هەژاند.
سەرۆكایەتیی بەڕێوەبردنی كارەسات و باری لەناكاوی توركیا “ئافاد” نوێترین ئامارەكانی قوربانییانی بومەلەرزەكەی ئیزمیری بڵاوكردەوە، ئاشكرایكردوە، ژمارەی ئەو كەسانەی بەهۆی بومەلەرزەكەوە گیانیان لەدەستداوە گەیشتوەتە 49 كەس، 896 كەسیش بریندار بوون.
بەپێی ئامارە تەندروستییەكانیش، نزیكەی 670 برینداری بومەلەرزەكە دوای وەرگرتنی چارەسەر نەخۆشخانەیان جێهێشتووە و نزیكەی 225 بریندار هێشتا چارەسەر وەردەگرن.
بەپێی ئامارەكانی شارەوانیی ئیزمیر، نزیكەی 180 هاوڵاتی لەژێر داروپەردوی باڵەخانە روخاوەكاندا ماون.
بەیانیی ئەمڕۆش دووبارە بومەلەرزەیەك بە گۆڕی 4.8 پلەی رێختەر باشوری ئیزمیری هەژاند، تا ئێستا دیار نییە زیانی گەیاندوە یان نا
