ئه‌مڕۆ ده‌نگدانی گشتیی هه‌ڵبژاردنی سه‌رۆكایه‌تیی ئه‌مریكا به‌ڕێوه‌ده‌چێت، دۆناڵد ترامپ سه‌رۆكی ئه‌مریكا و كاندیدی كۆمارییه‌كان و جۆ بایدن كاندیدی دیموكراته‌كان ركابه‌ری ده‌كه‌ن.
له هه‌ڵبژاردنی سه‌رۆكایه‌تیی ئه‌مریكادا، كه ئه‌مڕۆ به‌ڕێوه‌ده‌چێت، نزیكه‌ی 250 ملیۆن ئه‌مریكی مافی ده‌نگدانیان هه‌یه، پێشتر زیاتر له 97 ملیۆن كه‌س له هه‌ڵبژاردنی پێشوه‌خته‌دا و له‌رێگه‌ی پۆسته و ئه‌لیكترۆنییه‌وه ده‌نگیان داوه.
به‌پێی دوایین راپرسییه‌كانی ناوخۆی وڵاته‌كه، جۆ بایدن كاندیدی دیموكراته‌كان به نزیكه‌ی 5 خاڵ له‌پێش دۆناڵد ترامپ سه‌رۆكی ئه‌مریكا و كاندیدی كۆمارییه‌كانه‌وه‌یه، به‌ڵام له ویلایه‌ته یه‌كلاكه‌ره‌وه‌كاندا، كه هه‌شت ویلایه‌تن، له چوار ویلایه‌ت ترامپ و له چواره‌كه‌ی دیكه‌شیان بایدن له‌پێشه‌وه‌یه.
له چوارچێوه‌ی پرۆسه‌ی ده‌نگدانی گشتیدا، له ویلایه‌تی نیوهامشێر ده‌نگدان ده‌ستیپێكردوه، به‌ڵام به‌گشتی له ویلایه‌ت و شاره‌كانی دیكه چه‌ند كاتژمێرێكی دیكه ده‌ستپێده‌كات
