داوا دەكرێت پەرلەمان بەدواداچون بۆ گرژییەكانی نێوان پەكەكە و پێشمەرگە بكات

عەبدولستار مەجید سەرۆكی فراكسیۆنی كۆمەڵی ئیسلامی لە پەرلەمانی كوردستان، یاداشتێكی ئاراستەی سەرۆكی پەرلەمان كردوە، داوایكردوە پەرلەمان كۆبونەوەیەكی نائاسایی لەسەر زیادبونی گرژییەكانی نێوان پێشمەرگە و پەكەكە ساز بكات و لیژنەیەكیش بۆ بەدواداچونی ئەو بابەتە پێكبهێندرێت .

دەقی یاداشتەكە :

بۆ بەڕێز: سەرۆكی پەرلەمانی كوردستان
بابەت: كۆبوونەوەی نائاسایی 

پاڵپشت بە بڕگەی یەكەم لە مادەی (8) و مادەی (7)ـی پەیڕەوی ناوخۆی پەرلەمانی كوردستان، كە سەرۆك یان سێیەكی ئەندامانی پەرلەمان دەتوانن داوای كۆبوونەوەی پەرلەمان بكەن سەبارەت بە بابەتێكی دیاریكراو، بۆ ئەو مەبەستە داوادەكەین پەرلەمانی كوردستان لەسەر ئەو گرژیی و ئاڵۆزییە ئەمنی و سەربازییەی لەنێوان پێشمەرگە و پەكەكەدا دروستبووە، كۆبوونەوەیەكی نائاسایی ئەنجامبدات و دواجار بە پێی بڕگەی یەكەمی ماددەی (43) لیژنەیەكی تایبەت بۆ بەدواداچونی ئەم بابەتە پێكبهێنێت.

عەبدولستار مەجید
فراكسیۆنی كۆمەڵ