كۆمیتەی پەیوەندییەكانی دەرەوەی كۆما جڤاكێن كوردستان (كەجەكە) راگەیەنراوێكی وەزارەتی دەرەوەی ئەمریكا دەكات كە تیایدا پەكەكەی بە هێرشكردنە سەر هێزە ئەمنیەكانی هەرێم تۆمەتبار كردبوو.
لەو راگەیەنراوەی كەجەكەدا هاتووە، وتەبێژی وەزارەتی دەرەوەی و ئەمەریكا لەجیاتی ئەوەی داوای كۆتایی هێنان بە گرژییەكانی بكات بە لێدوانێكی نابەرپرسیارانە هەوڵیدا ئاگری شەڕ و ناكۆكی گەشتر بكات و ورە بداتە ئەو لایەنە ناوخۆیی و هەرێمیانە كە دەیانەوێت ئاگری شەڕی كورد-كورد خۆش بكەن.
باسی لەوەشكردووە، ئەمریكا لەجیاتی ئەوەی رەخنە لە لەشكركێشی و داگیركاری توركیا بۆ سەر خاكی باشووری كوردستان و عێراق بگرێت، بە هەموو جۆرێك پشتیوانی لێی دەكات و هانی دەدات، دەوڵەتی ئەمریكا نەك تەنیا لەبەرامبەر ئۆپەراسیۆنی داگیركاری دەوڵەتی توركیا و تاوانەكانی شەڕی ئەردۆغان دەنگ هەڵنابڕێ بەڵكو هەوڵدەدات بە پشتیوانییكردن لە سیاسەتی چەواشەكارانە و شەڕخوازانەی پارتی، كەشی نەرێنیی پەیوەندی نێوان هێزە كوردییەكان قووڵتر بكاتەوە.
