بڕیاره رۆژی دووشهممه سەرۆک وهزیرانی عیراق و لیژنەی دارایی پەرلەمانی عێراق لەبارەی ڕێککەوتن لەسەر قەرز و پارەی مووچە کۆببنەوە.
جەمال كۆچەر، ئهندامی لیژنهی دارایی پهرلهمانی عیراق رایگەیاند، رۆژی دووشەممە 9ی تشرینی دووەم لیژنەی دارایی پەرلەمانی عێراق لەسەر پرسی وەرگرتنی قەرزی لەگەڵ مستەفا كازمی سەرۆكوەزیرانی عێراق كۆدەبێتەوە، “پێشبینی دەكرێت رەزامەندی لەسەر 12 تاوەكو 15 تریلیۆن دینار قەرز بدرێت”.
ئەو پەرلەمانتارە كوردە لە لیژنەی دارایی پەرلەمانی عێراق ئەوەشی خستەڕوو، هەرچەندە حكومەتی عێراق لە سەرەتادا داوای لە پەرلەمان كردبوو رەزامەندیی وەرگرتنی 41 تریلیۆن دینار قەرزی پێبدات، بەڵام ئێستا دەستی لەو داواكارییە هەڵگرتووە و داوای 31 تریلیۆن دینار قەرز دەكات.
جەمال كۆچەر هەر لەکۆبوونەوەکەدا وەرەقەی چاکسازیی پەرلەمان و وەرەقەی سپی حکوومەت تاوتوێ دەکرێت و ڕای خۆشیان دەڵێن لەسەری، وتیشی: ” دەمانەوێ بزانین بۆ چاکسازی حکوومەت پلانی چییە، هەروەها دەمانەوێت بزانین پلانی حکوومەت بۆ ئەو سەرچاوانە چییە کە هی حکوومەتە، بەڵام سوودی بۆ خەزێنەی گشتی نییە”.
حكومهتی عیراق رایگهیاند، به بێ پهسهندكردنی پرۆژه یاسای قهرزی ناوخۆیی و دهرهكی لهلایهن پهرلهمانهوه له توانایدا نییه له وادهی خۆیدا موچهی فهرمانبهرانی بدات.
