نەوتی خاو بەرزبونەوەی بەخۆیەوە بینی و یەك بەرمیل خاوی برێنت بە سەروو 40 دۆلارەوە مامەڵەی پێوەدەكرێت.
بەپێی راپۆرتە ئابورییەكان، بەهۆی سەركەوتنی جۆ بایدن لە هەڵبژاردنەكانی سەرۆكایەتی ئەمریكا، نرخی نەوتی خاو بەرزبونەوەی بەخۆیەوە بینی و نرخی برێنت .72% بەرزبوەتەوە و یەك بەرمیل بە 40 دۆلار و 51 سەنت مامەڵەی پێوەدەكرێت.
هەروەها بەرمیلێك خاوی خۆرئاوای تەكساس 2.9% بەرزبوەتەوە و یەك بەرمیل بەرامبەر 38 دۆلار و 21 سەنتە، بەرمیلێك تێكەڵەی رێكخراوی ئۆپێكیش بە 39 دۆلار و 79 سەنت دەفرۆشرێت.
وەبەرهێنەرانی رێكخراوی ئۆپێك و وڵاتە وەبەرهێنەرەكانی نەوت لەوە نیگەرانن، كە ئەگەری هەیە جۆ بایدن كۆت و بەندەكان لەسەر ئێران و ڤینزوێلا سوك بكات و بەوەش نەوتی زیاتر دەخرێتە بازاڕ و نرخ زیاتر دابەزین بەخۆیەوە ببینێت
