یەكێك لە سەرنشینانی پاسە وەرگەڕاوەی سلێمانی لە توركیا گیانیلەدەستدا

لە پارێزگای روهای باكوری كوردستان پاسێكی گەشتیاری سلێمانی توشی روداوی هاتوچۆ بوەو تێیدا گەشتیارێك گیانیلەدەستداو 29ی تر برینداربون.
ئاژانسی ئەنادۆڵ بڵاویكردوەتەوە، پاسێك كە هەڵگری تابلۆی عێراق بوە لە ناوچەی تەرزی كاتێك بەرەو ئورفا چوە وەرگەڕاوە.
رونیشكراوەتەوە، لە روداوەكەدا 30 هاووڵاتی عێراقی برینداربون كە لەلایەن تیمەكانی فریاگوزاریی بەپەلەوە گواستراونەتەوە نەخۆشخانە و دواتر یەكیان گیانیلەدەستداوە، هەروەها برینی دوو لە بریندارەكانی تر سەختە.
ئاژانسەكە ئەوەشی ئاشكراكردوە، سەرنشینانی پاسەكە لە شاری سلێمانی-یەوە بەمەبەستی گەشتكردن لە رێگادابون بەرەو شاری سامسون لەسەر دەریای رەش.

هەواڵی دواتر

نرخی بەرمیلێک نەوت گەیشتە 111 دۆلار و 43 سەنت

دوێنێ نرخی بەرمیلێک نەوت بۆ 112 دۆلار و 31 سەنت بەرزبووەوە و رۆژەکەی بە 111 دۆلار و 43 سەنت، تەواو …

وەڵامێک بنووسە

پۆستی ئەلکترۆنیکەت بڵاو ناکرێتەوە .