نوێترین هەواڵ

بەختیار شاوەیس: پرۆژەیاسای قەرز بێ 320 ملیار دینارەكەی هەرێم پەسەندكرا

سەرۆكی فراكسیۆنی پارتی لە پەرلەمانی عیراق دەڵێت، لایەنە شیعیەكان بەڵێنیان دا ئەو بڕگەیەی تایبەتە بە پشكی هەرێم لە پرۆژەیاسای قەرز، دوابخەن، بەڵام بەڵێنەكەیان نەبردە سەر، پەرلەمانتارێكی یەكێتیش دەڵێت، پرۆژەیاساكە بێ 320 ملیار دینارەكەی هەرێم پەسەندكرا.
ڤیان سەبری سەرۆكی فراكسیۆنی پارتی لە پەرلەمانی عیراق لەبارەی كۆبونەوەكەی ئەم بەرەبەیانییە و پەسەندكردنی پرۆژەیاسای قەرز، لە لێدوانێكی رۆژنامەوانیدا ئاشكرایكردووە، فراكسیۆنە كوردستانییەكان چەندین پێشنیازیان كردووە لەبارەی پشكی هەرێم و پرۆژەیاساكە، بەڵام لایەنە شیعییەكان دوای رازیبوونیان، دواتر پەشیمان دەبونەوە.
سەرۆكی فراكسیۆنی پارتی دەشڵێت، لایەنە شیعەكان و تەنانەت محەمەد حەلبوسی سەرۆكی پەرلەمان هاتونەتە لای فراكسیۆنە كوردستانییەكان و بەڵێنیان داوە، ئەگەر بچنە كۆبونەوەكەی پەرلەمانەوە، ئەو بڕگەیەی تایبەتە بە هەرێمی كوردستان، دوای دەخەن، پەرلەمانتارانی كوردیش لەسەر ئەو بنەمایە چوونە كۆبونەوەكەوە، بەڵام دواتر لە كۆبونەوەكەدا لایەنە شیعەكان بەڵێنەكەی خۆیان نەبردەسەر و بڕگەی تایبەت بە هەرێمی كوردستان، وەك ئەوەی خۆیان دەیانویست، خستە دەنگدان و پەسەندیان كرد، بۆیە كوردیش بایكۆتی دانیشتنەكەی كرد.
لای خۆیەوە بەختیار شاوەیس پەرلەمانتاری فراكسیۆنی یەكێتی لە تۆڕی كۆمەڵایەتیی فەیسبووك بڵاویكردووەتەوە، بەبێ 320 ملیار دینارەكەی هەرێم، پڕۆژەیاسای قەرز تێپەڕی و شیعە و سوننە بەزۆرینە یەكلایانكردەوە.
پەرلەمانتارەكەی یەكێتی دەڵێت، “با ئەوانەی ئیدارەی هەرێم دەدەن و هەڵگری ئەم سیاسەتە شكستخواردوەی نەوتن، فەرموو چارەسەری بكەن و مووچەی خەڵك دابین بكەن”

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .