عەدنان عوسمان: بەرپرسانی هەرێم دوو بژاردەی رێككەوتن و كشانەوە لەبەغدایان لەبەردەمدایە

عەدنان عوسمان وتەبێژی بزوتنەوەی گۆڕان پێیوایە بەرپرسانی هەرێم دوو بژاردەیان لەبەردەمدایە، یان پابەندی رێككەوتنەكان بن لەگەڵ حكومەتی هەرێم یان لە بەغدا بكشێنەوە.
عەدنان عوسمان، لە هەژماری تایبەتی خۆی لە تۆڕی كۆمەڵایەتی تویتەر  بەرپرسانی هەرێم دوو بژاردەیان بۆ مامەڵەكردن لەگەڵ عیراق لەبەردەمدایە، یەكەمیان بریتیە لەوەی، كە پابەندی تەواوی رێكەوتنەكان بن، كەموچەیان پێدابیناكرێت دەبێت بڕیاری قورس بدەن و لەگەل بەغدا بگەنە رێكەوتن لە پێناوی خەڵكدا”
لە بارەی بژاردەی دووەمیشەوە، وتەبیژی گۆڕان دەڵێت،”لەبەغدا پاشەكشێ بكەن و چیتر بەشێك مەبن لە ماشێنی دەسەڵات لە عێراقدا. لە سەرۆك كۆمارەوە تا دوا پۆست بەجێی بێڵن.”
عەدنان عوسمان ئاماژەی بەوەشكردوە،”لە سەروبەندی عێراقی نوێ و نوسینی دەستورەكەیدا كەس بەقەد نەوشیروان مستەفا و جەوهەر نامیق باسیان لە وردەكاری و مەترسیەكان نەكرد. هوشداریاندا، بەڵام تەماح و پەلەی پۆست چاوی نوخبەی كوێر كردبو. ئێستاش نەچوە بچێ، مادام پەیوەستە بەقوتی خەڵكەوە پێویستە هەنگاو و بڕیاری ئازایانە بدرێ و بنرێ.”