نوێترین هەواڵ

چین پیرۆزبایی لە جۆ بایدن و جێگرەكەی كرد

دواجار چین چووە ریزی ئەو وڵاتانەی پیرۆزباییان لە جۆ بایدن و كاما هاریسی جێگری كرد، بە بۆنەی سەركەوتنیان لە هەڵبژاردنی سەرۆكایەتی ئەمریكا.
وەزارەتی دەرەوەی چین لە پەیامێكدا پیرۆبایی لە بایدن و هاریس كردووە بە بۆنەی سەركەوتیان لە هەڵبژاردنی سەرۆكایەتی ئەمریكا و تیایدا رایگەیاندووە، رێز لە بڕیار و دەنگی هاوڵاتیانی ئەمریكا دەگرن.
وەزارەتی دەرەوەی چین لە هەمان كاتدا جەختیشی كردۆتەوە، كە لەوەش تێدەگەن كە ئەنجامی كۆتایی هەڵبژاردنەكان بە پێی یاسا و رێساكانی ئەمریكا بەفەرمی یەكلایی دەكرێتەوە و رادەگەیەنرێت.
دوای ئەوەی میدیاكانی ئەمریكا سەركەوتنی بایدنیان لە هەڵبژاردنی سەرۆكایەتی ئەو وڵاتە راگەیاند، بەشێكی بەرچاو لە سەركردەی وڵاتان پەیامی پیرۆزباییان ئاراستەی ناوبراو كرد، بەڵام لەو نێوەدا روسیا و چین و چەند وڵاتێكی تر بێدەنگیان هەڵبژاردبوو.
ئەو بێدەنگییە بۆ هەڵوێستەكانی دۆناڵد ترامپ سەرۆكی ئێستای ئەمریكا و كاندیدی كۆمارییەكان دەگەڕێنرێتەوە، كە تائێستا دانی بە شكستی خۆی و سەركەوتنی بایدندا نەناوە و باس لە ساختەكاری لە پرۆسەی جیاكردنەوەی دەنگەكان.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .