ئابوریی ژاپۆن لەچارەكی سێیەمی ئەمساڵدا گەشەیەكی پێوانەیی تۆماركردووە

هاوشێوەی ئابوریی وڵاتانی بەهێز، ئابوریی ژاپۆن لە چارەكی سێیەمی ئەمساڵ گەشەی بەرچاوی بەخۆیەوە بینیوە، كە بەرزترین گەشەیە لە دوای جەنگی دووەمی جیهانەوە تۆماری بكات.
بەپێی راپۆرتە ئابورییەكانی ژاپۆن، لە مانگەكانی حوزەیران تا ئەیلولی ئەمساڵ، ئابوریی ژاپۆن، كە سێیەم هێزی ئابووریی جیهانە، بە رێژەی 21.4٪ گەشەی كردووە، ئەوەش بەهۆی بەرزبوونەوەی قەبارەی هەناردەی ئەو وڵاتە و بەرزبوونەوەی ئاستی بەكارهێنانی ناوخۆیی.
بەرزبونەوەی گەشەی ئابوریی ژاپۆن بەو رێژەیە، ئاستێكی پێوانەییە لەدوای جەنگی دووەمی جیهانەوە ئەو وڵاتە تۆماری بكات.
بەرزبونەوەكە لەكاتێكدایە، لە چارەكی دووەمی ئەمساڵدا ئابوریی ژاپۆن بەرێژەی 28.8٪ پاشەكشەی كردبوو، ئەوەش بەهۆی بڵاوبوونەوەی ڤایرۆسی كۆرۆنا و راگەیاندنی قەدەغەی هاتوچۆ و  كەمبوونەوەی بەكارهێنان.
سەرەڕای بەرزبونەوەی گەشەی ئابوریی ژاپۆن، بەڵام شارەزایان پێیان وایە، ئابوریی وڵاتەكە رێگایەكی سەختی لەبەردەمە بۆ ئەوەی بە تەواوەتی ببوژێتەوە.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .