بەهۆی نەگونجاوی شوێنەكەی و نزیكی لە ناوەندی شار و شوێنی نیشتەجی بوون، مەیدانی ئێستای ئاژەڵانی سلێمانی، كە دەكەوێتە رۆژئاوای شار، دەگوازێتەوە بۆ شوێنێكی گونجاو.
بەمەبەستی گرتنەبەری رێكارەكانی گواستنەوەی مەیدانەكە، بە ئامادەبونی هەڤاڵ ئەبوبەكر پارێزگاری سلێمانی و ئاوات محەمەد قائیمقامی سلێمانی و لیوا حەسەن نوری بەڕێوەبەری ئاسایشی سلێمانی و بەرپرسی یەكە كارگێڕییەكان، كۆبونەوەیەك بەڕێوەچوو.
بڕیاردرا بە گواستنەوەی مەیدانی ئێستای ئاژەڵانی سلێمانی و لە ئەمڕۆوە رێكارە كارگێڕیی و ئارامیی و خزمەتگوزاریی و ژینگەیی و تەندروستیەكان بۆ ئەم مەبەستە دەگیرێتەبەر.
