ترامپ هەوڵی لێدانی ئێرانی داوە و پەشیمانكراوەتەوە

بەرپرسێكی ئەمریكی ئاشكرایكرد، هەفتەی پێشوو دۆناڵد ترامپ سەرۆكی وڵاتەكەیان داوای لێدانی پێگەیەكی ئەتۆمی ئێرانی كردوە، بەڵام لەلایەن راوێژكار و گەورە بەرپرسەكانەوە پەشیمانكراوەتەوە.
لەوبارەیەوە رۆژنامەی “نیویۆرك تایمز”ی ئەمریكی بڵاویكردوەتەوە، لە كۆبونەوەیەكدا لەگەڵ گەورە یاریدەدەرەكانی بۆ ئاسایشی نیشتمانی و مایك پێنسی جێگری و كریستۆڤەر میلەر وەزیری بەرگری بە وەكالەت و مارك میلی سەرۆكی ئەركانی هاوبەش، ترامپ داوایەكی بۆ لێدانی پێگەیەكی ئەتۆمی ئێران پێشكەشكردوە.
رونیشكراوەتەوە، راوێژكارەكان توانیویانە ترامپ لەو هەنگاوە پەشیمان بكەنەوە، چونكە ترسی ئەوەیان هەیە ململانێیەكی فراوانتر بێتەئاراوە، بەڵام سەرۆكی ئەمریكا داوای بژاردەكانی كردوە و ئەوانیش سیناریۆكانیان داوەتێ‌ و لە دواجاردا پەشیمانبوەتەوە لەو هەنگاوە.
بەپێی رۆژنامەكە، ئەو داوایەی ترامپ دوای ئەوە بوە، كە راپۆرتەكان باس لەوەدەكەن ئێران یەكەم زنجیرەی ئامێری پێشكەوتوی پیتاندنی یۆرانیۆمی گواستوەتەوە دامەزراوەكانی لەژێر زەویدا.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .