وهزارهتى بهرگریى توركیا ئاشكرایكرد، له پرۆسهیهكى سهربازى دژى پارتى كرێكارانى كوردستان “پهكهكه” لهسهر سنورهكانى توركیا-عیراق، رهقیبێكی سوپا كوژراوه.
وهزارهتهكه لهبهیاننامهیهكدا بڵاویكردوهتهوه، لهكاتى پرۆسه سهربازییهكهدا له ناوچهى “جوقورجا” له ویلایهتى ههكارى سهر سنورهكانى توركیا و عیراق سهربازهكه كوژراوه، كه پلهی رهقیبی ههیه له سوپادا.
ماوهى چهند مانگێكه سوپاى توركیا پرۆسه سهربازییهكانى له سهر سنورهكان و لهناو سنورهكانى عیراق بهتایبهتى ههرێمى كوردستان چڕكردوهتهوه، ههردوولاش (پهكهكه و سوپای توركیا) ئاماژه بهوهدهكهن، ژمارهیهكى زۆر سهرباز و گهریلایان له یهكتر كوشتوه.
