بەشیر حەداد نوسراوێكی ئاراستەی مستەفا كازمی سەرۆك وەزیرانی عیراق كردووە، داوایلێدەكات 320 ملیار دینارەكەی هەرێمی كوردستان بنێرێت.
بەشیر حەداد جێگری سەرۆكی پەرلەمانی عێراق لەنوسراوێكی فەرمیدا كە ئاڕاستەی مستەفا كازمی كردوە، داوا دەكات، بەپێی رێككەوتنی نێوان هەردوو حكومەتی فیدراڵ و هەرێمی كوردستان، موچە و شایستە داراییەكانی فەرمانبەرانی هەرێم رەوانە بكات، كە بڕەكەی 320 ملیار دینارە، بەو پێیەی رێككەوتنەكەی نێوان هەردوو حكومەت، پێش پەسەندكردنی یاسای قەرز ئەنجامدراوە.
بەشیر حەداد هەروەها داوایكردووە، حكومەتی عیراق شایستەی دارایی جوتیارانی كوردستان بۆ ساڵانی 2014، 2015 و 2016 رەوانە بكات، كە زیانی گەورەی بە جوتیاران و پێشكەوتنی كشتوكاڵ بەگشتی گەیاندوە.
