wazho.net
تیمی هەڵبژاردنی دۆناڵد ترامپ ئەو سكاڵایەی دۆڕاند، كە لە هەڵبژاردنەكانی سەرۆكایەتی ئەمریكادا لە ویلایەتی پێنسیلڤانیا تایبەت بە رێگەنەدان بە چاودێری كۆمارییەكان بۆ چوونە ناو ناوەندەكانی ئەژماردنی دەنگەكانی ویلایەتەكەوە، تۆماری كردبو.
لەوبارەیەوە دادگای باڵای پێنسیلڤانیا سكاڵای تیمەكەی ترامپ-ی تاووتوێكرد، كە بەهۆی رێگەنەدان بە چاودێری كۆمارییەكان بۆ چوونە نێو ناوەندەكانی ئەژماركردنی دەنگەكان لە شاری فیلادلفیا تۆماری كردبو.
دادگاكە بە بڕیارێك، كە بە پێنج دەنگ بەرانبەر بە دوو دەنگ دەریكرد، بڕیاری لە دژی تیمەكەی ترامپ دا و جەختیكردەوە، هیچ یاسایەك نییە سەبارەت بە شوێنی وەستانی چاودێرەكان لە فیلادلفیا و یاسای جێگرەوەش لە دەست بەرپرسانی ناوچەكاندایە.
بەو بڕیارەی دادگاش، تیمی ترامپ ئەو سكاڵایەی دۆڕاند، كە تۆماریان كردبو.
